crossorigin="anonymous">
 

Yon mach anonse pou fèt 27 jen 2021 nan Pòtoprens


Komisyon pwotestan kont diktati nan peyi Dayiti anonse pou 27 jen k ap vini la òganizasyon yon mach pasifik nan Pòtoprens kont pwojè referandòm nan. Pastè Gerald Bataille ak pastè Elinette Cadet reklame depa prezidan de-facto Jovenel Moïse ak yo mande popilasyon an pou yo rete vijilan pou fè echèk ak plan makab rejim PHTK, daprè enfòmasyon AHP releye.


An nou raple, referandòm enkonstitisyonèl pouvwa de-facto a ki te gen pou fèt 27 jen an te repòte pou yon nouvo dat yo poko konnen.


Sektè demokratik ak popilè a di li apiye jounen mobilizasyon sa kont diktati, daprè enfòmasyon Ajans Ayisyèn pou Laprès rapòte.


Daprè AHP, Fernando Duclair ki se manb estrikti sa fè konnen se pral kesyon tou pou yo denonse lavi chè ak zak vyolans k ap fèt nan katye popilè yo dènye jou sa yo.


Daprè Fernando Duclair, mach sa ki anonse pou dimanch 27 jen an ap kòmanse Kafou Ayewopò pou li fini Channmas, se sa Ajans Ayisyèn pou Laprès presize.


Jacky M. Fontaine

TANBOU VERITE

0 comments