crossorigin="anonymous">
 

Yon mwa aprè dram ki te rive nan Vilaj de Dye a, toujou pa gen nouvèl sou kadav polisye ki mouri yo



Lendi 12 avril 2021 sa make yon mwa depi 5 polisye te asasine nan Vilaj de Dye pandan yon operasyon polisyè ki te tounen an yon veritab dram.


Yon mwa aprè, enstitisyon polisyè a pa menm òganize yon seremoni nan memwa polisye ki te mouri yo pandan kò yo abandone nan Vilaj de Dye e zòn sila kontwole pa gwoup 'gangster' "5 Secondes".


Bò kote pa li, Sendika Polis Nasyonal Ayiti a (SPNH-17) denonse sa li rele yon banalizasyon dwa lavi pa wo kòmandman Polis Nasyonal Ayiti (PNH) a. Pòt-pawòl SPNH-17 la Domond Sency di li deplore yon mwa aprè dram nan kadav polisye ki te viktim yo toujou poko rekipere.


Si pou enstitisyon polisyè a nonb polisye ki te rive mouri nan Vilaj de Dye vandredi 12 mas 2021 an ononb 4: Georges Renois Vivender, Désilus Wislet, Eugène Stanley ak Ariel Poulard, men pou òganizasyon dwa moun yo se 5 polisye ki te rive tonbe nan operasyon polisyè sa nan Vilaj de Dye.


Jacky M. Fontaine

TANBOU VERITE

0 comments