crossorigin="anonymous">
 

Yon ostralyen viv pandan 15 lane ak kadav yon vòlè anndan lakay li

Bruce Roberts, yon abitan nan vil Sydney (Ostrali), te tire yon nonm ki tap esye al volè lakay li an 2002. Li te kenbe kadav la anndan kay la pandan kenz lane, daprè sa ABC Jedi 20 me ki sot pase a. Pou konbat move odè kadav la tap degaje li te itilize plis pase 70 dezodoran.



Ostralyen an te mouri an 2017 de kòz natirèl, men se jis yon lane aprè yo te dekouvri rès kò vòlè a. Se kèk ajan ki responsab pou netwaye kay la ki te dekouvri kadav la nan mitan yon pil fatra. Yo te jwenn zam nan kay la tou.


Bruce Roberts te soufri nan sendwòm « compulsif », sa ki te koz li pat konn sòti souvan. Fanmi l’ dekri li kòm yon nonm ki solitè epi ki pa twò ka viv ak lòt moun.


Lè li te mouri an 2017 se aprè kèk mwa yo te dekouvri sa. Lè vwazen yo remake pil kourye li yo ap monte san li pa janm retire yo, yo te alète otorite yo.

0 comments