crossorigin="anonymous">
 

Yon ti bato ki gen ladan l' kat (4) ayisyen echwe sou kot peyi Jamayik


 

Similien Mickenson (26 lane), Acnien Joslin (34 lane), Wawens Thélome (35 lane) epi Wolie St Fluen (63 lane) se non kat (4) sitwayen ayisyen ki te abò yon ti bato ki al echwe yè mèkredi a sou kot peyi Jamayik nan Spring Gardens.


Kat (4) mesye sa yo ki te parèt fèb nan moman kèk abitan te dekouvri yo a sanble se kat (4) pechè pwason.


Abitan yo te ede yo epi aprè mennen yo nan yon pòs polis. Selon media lokal yo, yo te fè tès kowona pou ou. Pou kounye a yo nan yo lokal sekirize kote yap resevwa swen.


Sa konn abitye rive deja men se premye fwa sa rive depi aprè asasina ansyen prezidan peyi a, Jovenel Moïse.


Selon youn nan moun ki te dekouvri kat (4) konpatriyòt sa yo, yo te rive avan 6 zè nan maten. Li te panse se te jamayiken men se lang yo pale a ki fè l' reyalize se etranje yo ye. Li di tou yo te grangou anpil. Yo te ede yo epi aprè rele Lapolis ki te vin chèche yo.


Yo jwenn nan bato a filè ak kèk galon ki gen gaz. Pou kounye a, bato a yon zòn kote li pwoteje.

 

0 comments